Bazarpui a thil zawrh sarang langtlang theia khuh tur hian nimin khan Commerce & Industries a Commerce wing in hriattirna a ti chhuak a, thupek zawmin dawr nghaktute pawhin hmai tuamna an hmang vek a ni. ZONET palaiin Bazar a tlawh lai hian sarang hmanga chawhmeh khuh hmuh tur an awm meuh lo a, hemi chungchanga zawhna chhangin chawhmeh zuar tute chuan an mahni dawrtu an awm reng avangin an khuh hman meuh lo tih an sawi a, dawrtu an neih loh lai chuan \ha takin an khuh ve zel tih an sawi. Hetihlai hian hmai tuamna hmang hmuh tur tam tak awm mahse hmang lova dawr nghak pawh an awm nual a. New Market enkawltu Commerce & Industries a commerce wing hotute chuan, hmai tuamna leh thil zawrhte sarang langtlang theia khuh tura hriattirna an tihchhuah hnuah tlai thim Bazar chhunga thawmhnaw sale \hin te pawh nimin tlai a\ang khan an awm tawh lo tih an sawi. Vawiin lamah khan dawr inkar a awm nual a, Building \henkhata thil zuar te pawh thawh\anni atanga inkhar tum an awm nual a ni. Inrinni tuk dang aiin Bazarah hian mipui an tlem a, Zion Street te pawh mipui innek buai hmuh tur awm loin a thawl hle a ni.
