ZONET in Aizawl khawpui hmun hrang hrang a fankualnaah khuahkhirhnain zawm hlawh thawhkhat mahse lirthei veivak tam vak lo a awm reng a, mipui pawn chhuak hmuh tur pawh an awm nual a. Sorkarin damdawi dawr leh nitin mamawh dawr te inhawn phal mahse damdawi dawr tih loh chu dawr dang inhawng hmuh tur a awm meuh lova, damdawi dawr te pawh a tam zawk an in khar a, a inhawng chhunte pawh dawrtu an tam lo hle a ni. Lirthei leh mipui pawn chhuak te hi Police ten phalna neia chhuak an ni em tih an lo endik a, hetihlai hian Police duty te hian mipui chhuak zingah Local task force ten lehkha an siam sakah an thil tih tur chiang taka inziak a awm lo chu \ha lo an tih thu leh an ngaimawh thu an sawi a, phalna pek an nih pawhin an thil tih tur chiang tak rawn ziak lang se an duh tih sawiin mipui pawn chhuak rin aia an tam thu an sawi a ni.
