Khawzawl Damdawi In Isolation Ward-a enkawl, COVID-19 kai 2 te chu an Sample Test hnuhnung berah hri leng an kai tawh lo tih finfiah a ni a, Khawzawl District huamchhungah tun dinhmunah COVID-19 kai an awm ta lo a ni.

0
310
views

Khawzawl District huamchhungah hian India ram State hrang hrang atanga lo haw mi 286 zingah mi 3 in COVID-19 an kai tih hmuhchhuah a ni a, COVID-19 Positive te hi hmeichhia vek an ni. An zinga pakhat hi a dam hnuah thla hlui khan chhuahtir a ni a, midang 2 enkawl laite pawh Sample Test thar berah an fihlim tih hmuhchhuah a ni a, ni 3 chhung an dinhmun en thlithlai zui a nih hnuah harsatna dang an nei a nih loh chuan chhuahtir an ni ang.