Khawzawla Zonet Reporter sawi danin he lei che hian Aizawl-Champhai kawng chu feet chanve velin a tlakhniampui a, Bazar building panna step pawh lei tlahniam hian a ti khi a, Vengthar Field panna kawng tlahniam tun hmalama siam\hat leh tawh pawh tunah hian feet 2 velin a tlahniam leh tawh a ni. Lei che nasa zual zingah hian Vengthar Field pawh a tel a, Field chung lamah hian meter 20 vela sei lei tlahniam a awm a, Field huam chhungah pawh hmun tam takah lei a tlahniam bawk a ni. Khawzawl VC II chuan Vengthar Area huam chhunga lei tlahniam hi tun hmalama a tlakhniamna hmun pangngaia thleng leh niin an sawi a ni.
