Tun hnaia Khawthlangtuipui lianin Tlabung leh a chhehvel khaw hrang hranga harsatna a thlenna hmun te Pu C Lalrinsanga’n a hmunah tlawhin a enfiah a, hemi puala YMA Runa amah lo hmuahna hun buatsaihah thu sawiin Agriculture Minister chuan, Mizoram Sorkar-in tuilian vanga Tlabung mipuite harsatna tawh a hriatpui thu leh, tun hma a\anga khawpui hmasa a nih avanga ngaihthah chi a nih loh thu a sawi.
Pumpelh theih loh thil chi hrang hrang avangin, khuarel chhiatna chu thleng zel thei a ni tih, Pu C Lalrinsanga hian sawiin, chumi avanga tawrhna thleng thei laka inralrin a \ul tih a sawi a, Tlabung mipuiten tuilian avanga harsatna an tawrh fo sutkianna tura rawtna leh ruahmanna an neih te thawhkhawm tura khawthlang hruaitute chu sawmin, chumi ti hlawhtling thei tur chuan theihtawp chhuah a tiam bawk a ni.
An khaw tlawhtu minister hnenah hian, Tlabung khawtlang hruaitute chuan harsatna an tawh dan leh, mamawh an neih hrang hrangte ziak leh \awngkain an lo thlen a; lei vung leh thil dang vanga lui mawng sang tial tial chu Khawthlangtuipui len thut thinna chhan nia an hriat thu leh, lui kuangin tui a pai tam zawk theihna tura lui mawng hai thuk a tul thu an lo thlen a ni.
Hei bakah hian, Bangladesh-a Kaptai tuikhuah vangin, a tuar tura ngaih chhungkuate hnenah zangnadawmna pawh pek vek a ni tawh nia an hriat thu sawiin, hei hian mipuite hnen a thlen loh avangin thil awmzia hailan an phut thu an lo thlen bawk a, relief camp siam bakah, sub-divisional rapid response team changtlung tak din te, vantlang hmunhma pawimawh sawnchhuah \ul an tih te, kawlphetha lakluh nan 132 kv line an mamawh thu khawtlang hruaitute hian an lo thlen a ni.
Pu C Lalrinsanga hian meilawngin Khawthlangtuipui lian chim chin tlawhin a thlir kual nghal a; Lunglei District Agriculture Officer Pu Tlangtinmawia, DCSO Pi Caroline Lalbiaktluangi leh Lunglei DC aiawh SDO (Sadar) Pu Lalnundika bakah Tlabunga sorkar officer \henkhatin Minister hi an tawiawm a ni.
