Kolasib-ah chuan RTI Week vawiin khan Kolasib-a Parish Hall-ah hman a ni.

0
331
views

Hetah hian Information Commissioner, Pu Zorammawia chuan thusawiin RTI thil tum ber chu langtlang sorkar a ni a, chumi tihlawhtling tur chuan India Parliament-in kum 2005 khan RTI dan hi a zam a, he dan hmang hian sorkar hmalakna hrang hrangte chu a zirchian theih a, chumi tihlawhtling tur chuan mipuiten RTI dan an chhawr \angkai a ngai a ni a ti. Pu Zorammawia chuan Mizoramah beisei aiin RTI chhawr \angkai an tam lova, RTI hmanga zawhna lut pawh a tam lo hle nia sawiin, kuminah zawhna 2,238 a lut a, zawhna dawng tam zualte chu Land Revenue & Settlement Deptt. an ni a, an ni hian zawhna 506 an dawng a, Home Department-in dawtin zawhna 185, MPSC-119 an dawng bawk tih a tarlang a ni.

He inkhawmah hian Kolasib Bawrhsap, Dr. Arun T pawhin thusawiin langtlang sorkar siam nana dan zam pawimawh takte chu India khualehtuite chuan an hmang \angkai thiam tur a ni tih sawiin, hmang \angkai tur chuan dan chungchang hriatzau a pawimawh a, chumi avang chuan zirtirna an dawn chu hlawkpui tum \heuh turin mipuite chu a chah a ni.

RTI Week hmanna inkhawmah hian RTI chungchanga hriat tur pawimawh hrang hrang, RTI kaltlanga zawhna zawh dan te bakah RTI ina a huam loh leh RTI kal tlanga chhan thei lohte DRDA APO, Pu Stephen Laltlansanga Auhmunin a sawifiah a ni. He inkhawmah hian Kolasib Sub Hqrs YMA, MHIP leh MUP hruaitute bakah St. John’s Higher Secondary School zirlaite tel a ni.