Reservce Force mi 20 te hi College Veng leh New Builum, Kolasib atanga thawk chhuak an ni a, Kolasib Bawrhsap Dr. H. Lalthlangliana’n a vailiam a ni. Bawrhsap hian ramri venga thawk chhuak Reserve Volunteer Force-te chu hri leng mek laka ram tana an penchhuah chhan hre reng tur leh rinawm taka an tih tur te hlenchhuak turin a chah a, ruah tui tam lai a nih avangin an chetvelnaah fimkhur tur leh natna hrang hrang laka inveng uluk turin a chah a ni.
Bawrhsap chuan Reserve Volunteer Force-a inpe thalai thahnem tak, ramri veng tur an la awm zel chu thlamuanthlak a tih thu sawiin an chungah lawmthu a sawi a. Heng tlawmngaia ramria duty tura inpete hi Pathianni thleng khian Phaisen-a ramri kalkhan hmun ngaah an duty dawn a, Medical Team ten Malaria an vei leh vei loh an haw veleh an endik dawn a ni.
