Krismas lo thleng tur ni 4 chauhin a dang ta a, hetihlai hian Aizawl khawpui chang ni lo, District khawpui hrang hrangah pawh Krismas leh kumthar lawm turin mipuite nasa takin an inbuatsaih a, thingtlang lam a\anga khawpuia ch^k la te pawh tunkar chhung hian nasa takin an pung chho a ni.

Lawngtlai khawpuiah chuan inbuatsaihnain a vawrtawp a thleng chho mek a, Lawngtlaia kan reporter sawi danin Bazar dawr hrang hrang pawh a lun hle tawh a, he District-a khaw hrang hrang 158 zing a tam ber chuan Lawngtlaiah chak an la a, Siaha khawpui hnaih zawkna khuate erawh chuan Siaha a\angin chakkhai an la a ni. Hetihlai hian Kohhran hrang hrangte pawhin inbuatsaihna ngawrh takin an kalpui mek a, programme siamfel tawhin Biak In te pawh an chei mek a, ruai atana ran talh tur te pawh an hual fel vek tawh a ni. Kum danga tih \hin angin Lawngtlai District-a khaw \henkhatah chuan Krismas leh kumthar hi mimalin an thleng dawn a, hei hi tun hma a\anga Mizote tih \hin dan a ni.

Kum danga tih \hin Kawn chei erawh chu sorkar lam a\anga sum hmuh a awm loh avangin vawiin thlengin kawn chei hmuh tur a la tam lo niin Lawngtlaia kan reporter chuan a sawi a ni.