Mara rama chanchin\ha pu lut hmasa ber tu, Rev. RA Lorrain-an mipuite hnena chanchin\ha a hril darh \an tirh laia amah puitu leh a tha chhang dawltu mi 50, Kross Sipai tia hriat te thlanmual Tuipang khaw bula siam chu nimin khan Evangelical Church of Maraland Moderator, Rev. VL Ngaia Hlychho-in flag pawtpharhin a hawng. Hemi hnu hian Kross Sipai mi 50 te thlan chu a siamna atana sum thawhtu \heuhin an hawng zui a ni. He inkhawm Upa C. Zathanga kaihhruaiah hian Kross Sipai Thlanmual Committee Chairman, Pu B. Philip-an an thlanmual siam dan a sawifiah a, ECM Tuipang Pastor Bialin kum 2009 daih tawh khan heng mite hriatrengna thlanmual hi siam a nih theih nan mi \hahnemngaite hnenah thawhlawm a khawn \an a, he thlanmual hi Rs.33,99,600/- sengin siam a lo ni ta niin a sawi a ni. Kross Sipate thlanmual hawnna inkhawmah hian Kross Sipai zinga la dam awm chhun Rev. C. Thalai pawh a tel a ni. Hawnna inkhawmah hian Mara Autonomous District Council CEM, Pu N. Zakhai leh ECM Kohhran hruaitu \hahnem tak an tel a ni.
