Hemi puala inkhawm Kulikawn YMA Hall-a neih hi an pawl Chairman, Pu Denghmingthanga’n a kaihruai a, Vice Chairnan, Pu Lalmuanpuia Hransel-in an pawl thil tum leh hmalakna hrang hrang a sawi a, YMA, MHIP leh MUP aiawhte pawhin thu an sawi bawk. Kulikaw Beacon Board-in Chawimawina Nopui an hlante hi Mizoram pum huapa infiamna lama mihming\ha te an ni a, Cricket lamah Pu Michael Lalremkima leh Pu Joseph Laltanpuia te, Badminton-ah Tv. Joseph VL Ringngheta leh Volleyball ah Tv. David Lalramhmachhuana te an ni a, heng mite hnenah hian an veng mi, tun hmaa Mizoram pum huapa infiamna lama lo hlawhtling tawhten chawimawina hi an hlan a ni. Kulikaw Beacon Board Chairman, Pu Denghmingthanga chuan, an pawl chu \halaite a \ha zawnga kaihruai tura din a ni tih sawiin, infiamna piah lama zirna leh eizawnna kawng hrang hranga hlawhtlingte hnenah pawh he chawimawina hi hlan zel an tum thu a sawi.
