Kum 2013 atanga vawiin thlengin Chief Minister, Larsap leh VIP dang ten tum 69 Helicopter an hmang tawh, Helicopter charter zinga 53 chu CM hman a ni

0
2673
views

Kum 2013 a\anga vawiin thlengin Chief Minister, Larsap leh VIP dang ten \um 69 Helicopter an hmang tawh. Heilicopter charter zinga 53 chu Chief Minister hman niin, Larsap-in \um 10 leh VIP dangin \um 6 an hmang a ni. Vawiin Assembly Session ah MNF member Dr K Beichhua zawhna chhangin Chief Minister chuan Helicopter charter man hi darkar khat zelah cheng sing 7 a ni \hin a, kumin January a\ang khan darkar khatah cheng sing 8 a tihsan a ni a ti a, Chief Minister chuan, thlawhtheihna hi a \ul hunah chauh hman \hin niin, \ul lova hman a nih loh thu leh a hman man pawh ba lovin pek nghal zel a nih thu a sawi a. Mizoram Sorkar-in Pawan Hans thlawhtheihna a hman man zaa 75 chu Sorkar laipui tum a nih thu leh thlawhtheihnaa chuangte chu cheng nuai 7.5 a insurance tih sak vek an nih thu a sawi bawk. Chief Minister chuan tunah hian Pawan Hans thlawhtheihna pakhat chu District hrang hrang leh hmun pawimawh zualah a inchhawka Service tir mek a ni tih a sawi a, hei hi mipuiin an chhawr \angkai hle a, a bikin rikrum thil leh damloh nikhuaah a \angkai avangin a indaih lo nasa a, a dang pakhat service belh tir mai tur em ni tih department hotuten an ngaihtuah mek tih a sawi. Pu Lal Thanhawla chuan, tunah hian Mizoram Helipad 16 a awm thu leh a dang pawh siam belh zel a nih tur thu a sawi bawk.