Kum 2018 June ni 24-a Excise & Narcotics Department, Champhai Station ten Heroin No. 4 Hawng 22 kawltu an man Salemthara kum 18, Champhai Vengthar chu kum 10 tang tur leh Rs 1,00,000 chawi tura hrem a ni.

Heroin No.4 Hawng 22, grams 307 a rit a kawl vanga man Salemthara hi NDPS Act. Special Court Judge Pu Vanlalena chuan thiam loh a chantir a, pawisa chawi tur hi a nei lo a nih chuan thla 2 dang a tan belh dawn a ni. Special Court (NDPS Act), Champhai chuan a case hi ngaihtuahin thuhretu leh a \ul ang ang te a enfiah hnuah Salemthara dan bawhchhiat chu finfiah a nih avangin hremna hi a pe a ni.

Court-in thiam loh a chantir, Salemthara hian heng heroin mansak te hi Myanmar atanga a lak a ni a, a hralh chhuah hmain Tlangsam-ah mansak a ni.