Kumin February ni 13-a Tuirini lei dawhlai chim chhan chhui chian mek a nih thu leh a chim chhan chiang taka hriat a la nih loh thu PWD Minister

0
758
views

Kumin February ni 13-a Tuirini lei dawhlai chim chhan chhui chian mek a nih thu leh a chim chhan chiang taka hriat a la nih loh thu PWD Minister, Pu Lal Thanzara’n a sawi. PWD Minister chuan tun hnai kum 4 kalta chhunga lei chhim \henkhat chu a kilhna leh a part \henkhat rukbo a nih bakah a zawh tawk aia rit phur lirthein a zawh vanga chim a ni tih finfiah a ni a ti.

MNF member, Pu Lalruatkima zawhna leh zawhbelhna dangte a chhannaah PWD Minister chuan, Tuirini lei chim vanga nunna chan Sesawng Venglaia Pu HC Lalfakzuala chu Department-in cheng sing 2-a a ral tawh thu a sawi a, zawhna neitu Pu Lalruatkima’n an chhungte tu emaw hnena hnapek theih a nih leh nih loh a zawhna pawh lo enfiah a nih tur thu a sawi. PWD Minister chuan, lei dawh lamah Department-in hma a sawn theih nan tunah hian PWD Engineer pakhatin lei dawh lam zirnaah Master Degree a zir mek tih a sawi bawk. Minister sawi danin, tunah hian Mizoram chhunga National Highway-ah lei 52 a awm a, heng zinga 13 chu a rinawm tawk tawh loh avangin siam\hat a ngai a, tunah hian lei thar dawh mek leh a \hen siam \hat 10 awmin, lei thar dawhna atan sum ruahman cheng nuai 3,628 a\angin cheng nuai 233.53 hmuh a ni tawh a, lei rinawm lo siam\hatna atan sum ruahman cheng nuai 271.80 a\angin cheng nuai 46.65 hmuh a ni tawh a ni.