Kumin laihawla Khawthlangtuipui lian tuar nasa zual thlanchhuah chhungkaw 200 hnenah, vawiin khan Baptist Church of Mizoram hnuaia R&D department leh Transform Aid International tangkawpten tanpuina thilpek chi hrang hrang an sem.

0
342
views

Tun tumah hian Tlabung khaw chhung bakah, Serhuan, Kawrpuichhuah, Jarullobasora leh Tippereghat atangin tanpuina dawng tur chhungkuate hi thlanchhuah an ni a, BCM Tlabung bialtu pastor Rev. Lalmuanzuala Sailo kaihhruaiin, BCM Tlabung Kohhran Biak-in kawt tualah thilpek hi sem chhuah a ni a, chhungkaw pakhat zelah buhfai, silplaulin, dal, tel leh thosilen te an hlan a ni.

BCM hnuaia R&D department hian kumin July 19 khan, Khawthlangtuipui lian tuar chhungkaw 200 hnenah tho buhfai kg 8000 an lo sem tawh bawk.