Kangmei Venna Hapta, Fire Prevention Week chu February ni 11-16 chhunga hman nise an ti a, Chief Minister, State Level Committee on Fire Prevention Chairman chu khuallian tura beisei a ni. Sub Committee Member Secretary CCF Pu Lalrinmawia’n Fire Prevention Week hman chhoh dan tlangpui a sawifiah a, Member kalkhawmte chuan Sikul naupangte leh sawrkar hnathawkte pawhin he hapta pawimawhzia an hriat nan thu chham tur buatsaih a, chumi chu a huhova zirna inah leh mahni hnathawhna hmun theuhah chham nise tih an rel a ni. He meeting ah hian Environment, Forest & Climate Change Department hotute leh a kaihnawih dept dang hotute, YMA, MUP, ASEP, SENVA, AMFU leh STAM aiawhte an tel a ni.
