Vanlalhriatrenga hi tukin dar 8:30 khan Sairang a lo thleng a, hetah hian Sairang Dinthar VC leh tlawmngai pawl hrang hrang \angrualin lo hmuakin a zawnna tur bik siamah an zawn a. Sairang Dinthar kawnah hauisen lawmman a dawn lawmna inkhawm tawi neih chhunzawm a ni. Vanlalhriatrenga hmuahna inkhawmah hian Bialtu MLA, Pu Zothantluanga pawh a tel a, Vanlalhriatrenga hi Tawlhloh Puan bahtirin, lawmpuina Pawisa a hlan bawk.
Kum 13-a upa Vanlalhriatrenga hian nikum June thla khan Victor Lalhmingmawia tuitla chhanchhuakin, ama remhriatna leh hmangchang hriatna hmanga bawi sawmin a nunna a chhan sak a. A thil tih avang hian Indian Council For Child Welfare chuan National Bravery Award a hlan a ni.
