Pu K. Lalrinliana hian, VC te tan Excluded Area Development Fund sem thuai a nih tur thu hi kumin February ni 26-a Pachhunga University College-a VC khawmpui neih a nih \um khan puan a lo ni tawh tih sawiin, an tum anga ranga he pawisa an sem leh mai theih loh chhan chu sorkar kumtawp dawnah he sum hi hmang hman lova K Deposit-a dah leh lailawk a nih vang a nih thu a sawi. Excluded Area Development Fund sem thuai tum a nih tur thu a puan lai khan he sum hi Treasury kutah a awm a, sorkar kum tawpin a nan tak avangin an sem leh hman lova, he sum hi nimin mai khan lakchhuah tawh a ni a, tunah hian sem thuai tura hmalak mek a ni, a ti.
Tun hma lamah VC te tan Excluded Area Development Fund a awm ngai a hriat loh thu leh he sum hi khawi a\anga lo kal nge tih Opposition Group Leader, Pu Lalduhoma zawhna chhangin, LAD Minister chuan, 14th Finance Commission hnuaiah Panchaity Raj tih loh VC-te tan hmasawnna hnathawhna tur pek theih ni lo mah se, an hnathawhna tur bik a hrana dil theih tih a nih angin he sum hi dil a ni, a hlawhtlinna an hmuh angin Rs. nuai 4,540 chu VC te tan hmasawnna hna thawhna tur sum pekchhuah a nih tur thu a sawi.
