Lai Autonomous District Council-a Executive Member, Sports & Youth changtu Pu C. Lallungmuana chuan infiammite fuihna thu a sawi a, District Council sorkar chuan Infiammi te chu engtiklai mahin a thlahthlam dawn lova, hamthatna awm theite pawh tihsak zel a tum a ni a ti.
Chawimawina hlan te hi State Game neih zawh taka Chess Champion mi 6 leh State Games a Bronze Medal dawngtu mi 5, Taekwondo a Bronze Medal dawngtu mi 3 leh Silver Medal dawngtu mi 1, Karate a Silver Medal dawngtu mi pakhat leh Archery leh Mizo Inbuana Siver Medal dawngtu mi pakhat ve ve te, Motocross Expert a Gold Medal dawngtu C. Lalduhsaka leh Khawvel pum huap inelna International Golden Girl Boxing Championship kumin February thlaa Sweeden a neih zawh taka Silver Medal dawngtu Rudy Lalhmingmuani leh Hero Junior National Football Championship, kumin February thlaa Shillonga neih zawh taka Mizoram Team Champion puitu Coach R. Vanlalpeka te an ni. Chawimawina hlante hian March thla ah tangkafai Incentive Cash Award an dawng leh ang.
