LADC leh CADC by-election buatsaih turin engkim peih fel tawh

0
398
views

Lai Autonomous District Council hnuaia VC 8 leh Chakma Autonomous District Council hnuaia VC pakhata seat ruak thenkhat hnawh khahna atana naktuka by-election buatsaih turin engkim peih fel a ni a, State Election Commission atanga thu dawn danin Polling Party zawng zawngin an awmna hmun tur thleng felin, vawiin khan an Polling Station an siam fel vek tawh a, naktuk zing dar 7 atanga tlai dar 5 thleng vote thlak a ni ang. By-election neihna tur khuate hi Lai Autonomous District Council hnuaia Chawngtelui, Ngengpuitlang, Hmawngbuchhuah, Dumzautlang, Bolisora, Tuisentlang, Lawngtlai Vengpui, Archhuang leh Chakma Autonomous District Council hnuaia Gabasuri khuate a ni a, seat ruak hnawh khah ngai zawng zawng hi 19 a ni a, candidate awm zawng zawng 40 an ni a, an zinga 6 chu hmeichhe tana seat hauh chuhtu tur a ni. Vote thlak zawh veleh vote tla te chu RO hova chhiar a ni ang a, VC 5-a inthlan result chu naktuk zanah hriat theih beisei a ni a, a bak VC 4-ah erawh chuan inbiak pawhna a that loh avangin a tukah hriat theih tum a ni ang.