LADC leh CADC by-election neih tur kalpui zel

0
623
views

Mizoram State Election Commission-in Lai Autonomous District Council hnuaia VC 8-ah leh Chakma Autonomous District Council hnuaia VC -1 a by-election, tun thla ni 22 a neih tura a ruahman chu tluang taka kalpui zel a ni. Lai Autonomous District Council hnuaia khaw 8-a VC by-election neihna tur khuate leh member thlan tur zat chu Chawngtelui, Ngengpuitlang, Tuisentlang leh Hmawngbuchhuah-ah member 4 theuh, Lawngtlai Vengpuiah member 2, Dumzautlang, Tuisentlang leh Archhuangah member 1 theuh a nia, a vaiin member 21 thlan tur a ni. Chakma Autonomous District Council hnuaia Gabasury khuaah chuan member 1 chauh thlan tur a ni bawk. State Election Commission atanga thu dawn danin inbuatsaihna hi tluang takin a kal zela, amaherawhchu inbiak pawhna that tawk loh avangin Candidate-te tana inhnuh dawh theihna hun hnuhnung ber, vawiin tlai dar 3 thleng khan Candidate zat hriat fiah theih a la ni lova, khaw tam tak hi inbiak pawhna awm lohna leh ke a kal ngai a nih avangin Candidate zat chu kar leh Thawhtanni-ah a hriat theih chauh dawn niin an sawi a ni. Puan tawh angin vote thlak ni tura ruat, tun thla ni 22-ah chuan zing dar 7 leh tlai dar 5 inkarah vote thlak a ni anga, vote thlak zawhah vote tlate chu Returning hova chhiar a, result pawh puan nghal a ni ang.