LADC leh CADC hnuaia by-election chu hlawhtling taka neih a ni

0
649
views

Lai Autonomous District Council hnuaia VC 8 leh Chakma Autonomous District Council hnuaia VC pakhata seat ruak 19 hnawh khahna atan vawiin khan by-election-ah boruak tha leh muanawm tak hnuaiah vote thlak a ni a, State Election Commission hotute hnen atanga thu dawn danin, tukin dar 7 atanga vawiin tlai dar 5 thleng khan tluang taka vote thlak a ni. VC by-election neihna khuate hi Lai Autonomous District Council hnuaia Chawngtelui, Ngengpuitlang, Hmawngbuchhuah, Dumzautlang, Bolisora, Tuisentlang, Lawngtlai Vengpui leh Archhuang te an ni a, Chakma Autonomous District Council hnuaia Gabasuri khuaah pawh neih a ni bawk. Vote tlate hi vawiin tlaia vote thlak zawh veleh khan Returning Officer theuhte kaihhruaina hnuaiah chhiar nghal a ni a, inbiakpawhna theihna khaw 5-ah zaninah hian inthlan result hi hriat theih beisei a ni a, inbiakpawh theih lohna khaw 4-ah chuan naktukah result hriat theih beisei a ni. Seat ruak awm zawng zawng, 19 chuhtu candidate-te hi 40 an ni a, an zinga 6 chu hmeichhe tana seat hauh chuhtu an ni.