Niminpiaha vote thlak te hi vawiin khan Lawngtlaiah chhiar a ni a, LADC hnuaia Lungtan bialah hian MNF candidate Pu Sanghuliana Mualchin hian Congress Candidate Pu H Lungrualkima chu vote 2 chiahin a hneh a, MNF candidate hian vote 593 a hmuyh laiin Congress Candidate hian vote 591 a hmu a ni.
CADC Ugudasury biala MNF candidate thlantlin hi Pu Charan Singh Chakma a ni a, vote 820 a hmuh laiin BJP Candidate Susen Chakma chuan vote 615 a hmu a, an inthlauhna hi vote 205 a ni.
Bye-election neih zawh taka hnehna an chan hi Lawngtlai East bialtu MLA, Pu H. Biakzauva hovin Lawngtlaia MNF District Headquarters-ah vawiin khan lawm nghal a ni a, Pu H. Biakzauva chuan hnehna an chan theih chhan chu party mi te thawhrim vang leh Pu Zoramthanga kahhruai Mizoram sorkarin mipuite rin a hlawh vang a ni a ti.
Lawmna inkhawm MNF District Hqrs. Treasurer, Pu NC Nguntlunga kaihhruaiah hian MDC atana thlantlin Pu Sanghuliana Mualchin leh Pu Charan Singh Chakma te pawhin thu an sawi a ni.
