Larsap-in Chakma Autonomous District Council thuneihna a laksak chhan chu CADC Sorkar-in sum a hmang dik lo tih finfiah a nih vang a ni tih Chief Minister, Pu Lal Thanhawla’n House a hrilh.
Lawngtlai District Bawhrsap sawn a nih chhan chu a bial chhung
mipuite duh dan niin Chief Minister Pu Lal Thanhawla hian a sawi bawk.
Pu Lal Thanhawla chuan, Chakma Autonomous District Council-a MDC 10-in District Council sum Pay Advances atan an hman thu leh heng mite sum puk belhkhawm chu a vaiin Rs. 10,533,030 a nih thu a sawi a. Hei hi Sorkar-in \ha a tih loh avangin nikum July ni 11 leh September ni 9 khan MDC 10 hnenah hian lehkha pein an sum puk chu rul turin a hriattir a, nikum November ni 20 khan an sum puk hi an rul zo vek a ni a ti a. Chief Minister chuan, Mizorama ADC pathum ten Plan leh Non-plan a\angin thawktu hlawh atan zaa 80 chuang vek an hmang tih sawiin, Lai Autonomous District Council-in zaa 82.46 a hman laiin, Mara Autonomous District Council-in zaa 92.92 leh Chakma Autonomous District Council-in zaa 90.90 a hmang a. Hetih lai hian Lai Autonomous District Council chuan hmasawnna hna thawh nan zaa 6.15 leh Pension hlawh leh thil dang atan zaa 11.39 a hmang a. MADC-in hmasawnna hna thawh nan zaa 7.08 leh CADC-in zaa 9.10 a hmang tih sawiin, Autonomous District Council chu thuneihna sang tak nei a nih avangin an hnathawh leh thil tih hrang hrangah State Sorkar thuk takin a inrawlh ngai lo tih Pu Lal Thanhawla chuan a sawi bawk.
