Heng hmun pahniha thawktuten Larsap hi an lo dawngsawng a. Larsap chuan, hlawkna ringawt um lova midang tana hun tam zawk petute in pekna chu chhuanawm a tih thu a sawi a, Naupang rilru thianghlim pu te bula hun hman chu hlimawm a tih thu sawiin amah pawh nau hnuchham enkawlna kawngah hna a lo thawh tawh thin thu sawiin hemi kawnga tha thawhtute leh thawktute chu fakawm a tih thu a sawi.
Mizo Hmeichhe Tangrual President Pi C Dailovi pawhin Larsap Kummanam Rajasekharan chu Mizoram a Larsap awm tawh zingah an home tlawh hmasa ber a tu a nih thu a sawi a, an Home chu kum 1969 din a nih thu leh tundinhmunah naupang 10 an enkawl bakah thawktu 10 an awm thu a sawi ve bawk a ni. Hemi hnu hian Larap hian Chhinga venga Zonunsang handloom a tlawh a Zonunsang Handloom neitu Pu Zohmangaiha leh a thawhpui te nen inkawmhona an neih bakah Mizo puan hrang hrang leh an Design leh an puan thahna khawl leh hmanraw dang te an enpui a ni.
