Raj Bhawan Durbar Hall-ah vawiin khan Larsap hi lakluh a ni a., Larsap hian a naupan laiin Scout a lo ni tawh \hin tih a sawi a, Scouts & Guides in a tum ber chu ram tana mi \angkai, khua leh tui \ha leh mipuitling chher chhuah a nih avangin a tam thei ang ber tel thei se a duh tih a sawi.
Larsap hian Mizote khawtlang nun leh Scouts &Guides thiltumte chu a inzul hle tih a sawi a. Midangte tana thil tha tih leh midangte tana rawngbawlna chu Pathian rawngbawlna a ni tih hre chunga khawtlang nuna a chhe lai siam \hatu nih \heuh a pawimawh a ni a ti.
State commissioner Pu K.Lalthawmmawia sawi danin kum 2019-20 chungin Mizoram a\angin Scouts 5 leh Guides 22 te hnenah Scouts & Guides chawimawina sangber, Rastrapati Award hlan an ni a. State chhunga chawimawina sang ber Rajya Puraskar pawh Scouts 42 leh Guides 83 hnenah hlan a ni. Heng bakah hian Cubs 39 leh Bulbuls 64 ten India rama chawimawina sang ber Golden Arrow Award an dawng bawk a ni.
Tun dinhmunah Mizoramah Scouts 2223 leh Guides 2631, an vaiin 4854 an awm mek a ni.
