Larsap thar, Pu Kummanam Rajasekharan in Mizorama a awm chhungin kawng hrang hranga Mizoram leh Mizo mipuite hma an sawn theih nana tanlak chu a thil tum ber a nih tur thu a sawi

0
368
views

Larsap thar, Pu Kummanam Rajasekharan in Mizorama a awm chhungin kawng hrang hranga Mizoram leh Mizo mipuite hma an sawn theih nana \anlak chu a thil tum ber a nih tur thu a sawi.

Vawiina amah lakluhna inkhawm neih zawha thuthar lakhawmtute zawhna chhangin, Mizoram larsap a nih chhungin a hna \ha taka hlen tura theihtawp a chhuah tur thu a sawi a ni. Zawhna chhangin Pu Kummanam Rajasekharan chuan, tun hma lamin BJP party hruaitu lo ni tawh \hin mah se, kumin kumtawp lama Mizoramin Assembly inthlanpui a hmachhawn turah Politics-a inhnamhnawih a tum loh thu leh BJP-in ham\hatna a hmuh theih nan eng ti kawng maha hmalak a tum loh thu a sawi a, Larsap hna chu State sorkar hmalakna tihchak a nih angin, tu Party-in emaw ham\hatna an hmuh theih nana a thuneihna hmansual a tum loh thu a sawi. Kerala-a BJP president nimek a nih avanga Mizoram Larsap atana ruat a nihna a pawm dawn lo ni awma thuthang awm chu thu dik a nih leh nih loh zawhna chhangin, Pu Kummanam Rajasekharan chuan, Mizoram Larsap atana ruat a nihna chu hnialna engmah a neih loh thu a sawi a, Larsap atana ruat a nih thu a hria tirh hian an Party tana Campaign buai lai a nih avangin Mizoram a lo pan lawk thei lo tih sawiin, hun remchang a neih hmasak berah Delhi lam pan nghalin, heta \ang hian Mizoram a pan leh nghal niin a sawi a, Mizoram Larsap atana ruat a nihna chu a pha lo tih a sawi.

Pu Kummanam Rajasekharan chuan, Mizoram leilung awm dan leh pian phung te, sorkar inrelbawl dan leh thil hrang hrang chu ala hriat ngai loh thil ni mah se, Larsap a nihna angin Mizoram leh a chhunga cheng mipuiten hmasawnna an hmuh theih nan hmalak chu a thil tum ber a ni tih a sawi a. Zirna, sumdawnna, lo neih leh a kaihhnawih thil hrang hranga State dangte elpha tura \an lak a tum thu a sawi.