Larsapin Chawlhhmuna Kohhran Thianghlim Biakbuk, Solomon’s Temple a tlawh

0
1147
views

Larsap, Lt. Gen. Nirbhay Sharma-a’n vawiin khan Chawlhhmuna Kohhran Thianghlim Biakbuk, Solomon’s Temple a tlawh a, a nupui, Pi Jyotsna Sharma-in a \awiawm a ni. Larsap te nupa hi Kohhran Thianghlim Executive Chairman, Dr. LB Sailo leh hruaitu dangten an lo dawngsawng a, Biakbuk chhung leh a velte fang kualin group hrang hrangten he hmun an chei mawite a en a ni. Larsap hian Kohhran Thianghlim hruaitute leh member-te a kawmnaah Krismas lo thleng tur leh kum thar lo thleng tur atan duhsakna a hlan a, Mizote zinga awm nuam a tih thu te, khawtlang inkaihhruaina leh inrelbawlna felfai tak bakah kohhran inrelbawlna fel tak a awm chu Mizoram tinuamtu a ni tih a sawi a, hnam intihbingna awm lo leh sakhua avanga inthliarna awm lo nun chu lungrualna leh hmasawnna thlentu niin a sawi a ni. Solomon’s Temple hi kumina Coronation Day hman dawna group hrang hrang 15-ten thil chi hrang hrang tarlanna tura an cheimawi tawh a ni a, Temple hi naktip, Krismas ni-ah hawn a ni dawn a, hemi atan pawh hian Temple leh a chhehvel chu Krismas lam hawia chei mawi a ni.