He thu hi vawiina Mizoram State Legal Services Authority-in Muanna Venga Thutak Nunpuitu Team (TNT)-a enkawl mek rualbanlote hnena Disability Certificate an hlan a hmanpuinaah Law Minister chuan a sawi a, TNT hmalakna chu ropui a tih thu sawiin, nu leh pa nei lote tan an inpekna te, midang \anpui tura an inpekna chu fak tlak a ni, a ti a. Sorkar chu mipui ta a nih angin an mamawh hrang hrangte ngaihtuah sak zel an nih tur thu a sawi. Chief Minister, Pu Zoramthanga kaihhruai MNF chuan ruihhlo chungchangah nasa taka \anlak a tum tih sawiin, Pu TJ. Lalnuntluanga chuan, ruihhlo avanga khawtlang nuina harsatna thleng \hin te, chhungkua leh mimal nuna buaina thleng \hin chu tireh turin theihtawp an chhuah dawn a. Chumi atana hmalakna hmahruai atan dan hmanga zu zawrh \hin chu tihtawp lailawk nghal a ni a, hun rei zawk thlah zalen a nih avanga mi tam tak harsatna tawk tur chu an hmuh ngam loh avangin zu zawrh mek chu tihtawp a ni tih a sawi. Law Minister chuan, zu zawrh an tihtawp piah lamah hian ruihhlo vanga harsat tawkte enkawlna hmun pawh siam tum a ni tih sawiin, an mahni khaichhuahna atan leh an nun kaihruai tura eizawnna an neih theih nan Industry lama \anlak tum a ni tih a sawi bawk.
TNT hotupa, Pu Sangthankima chuan, helai hmun hi kum 30 chuang zet an enkawl tawh tih sawiin, tunhma lamah chuan amah pawh sual rawngbawl ve \hin a ni a, mahse, sual rawngbawl reng tura Pathianin a phal loh avangin sual bawih a ta lachhuakin he rawngbawlna hi a pe ta niin a sawi a. Helai hmuna an rawngbawlnain a tum ber chu an hnena awmte Lal Isua hnena hruai thlen a ni tih a sawi.
He inkhawm hi Mizoram State Legal Services Authority Member Secretary, Pu Vanlalenmawia’n a kaihruai a, Law Secretary, Pi Marli Vankung pawhin, Mizorama rualbanloten danin an tana ham\hatna a siam hrang hrangte an chan theih nan \anlak a nih tur thu a sawi. Mizoram State Legal Services Authority, MZU-a Psychology Department, Health and Medical Education leh National Locomotors Disability leh Social Welfare Department \angkawp chuan TNT-a enkawlte dinhmun hi nikum November ni 11 a\anga ni 13 chhung khan an enfiah a, an zirchianna a\angin rilru lama harsatna nei mi 152 hnenah Disability Certificate hi hlan a ni a. Hei bakah hian Wheel Chair 2 leh an infiamna tur hmanrua, Mental Retardation Kit 3 pek an ni.
Tun dinhmunah TNT-ah hian naupang 414, Pangparhuana enkawl lai 421 leh ruihhlo ngai 938 an awm mek a, heng mite hi thawktu mi 82-in an enkawl a ni.
