Lawngtlai a\anga Myanmar pawh tur motor kawngpui sial mek, Kaladan Multi Modal Transit Transport Project (KMMTTP) in an ram a tih chhiat sak, zangnadawmna la dawng lo nia insawiten kawng laih hna thawh mek chawlh tir leh an tum.

Ram neitu intelkhawm Lawngtlai District Land Owners Association, Executive Meeting vawiina neihah hnathawktute tiamchin awm lova dan hi an rel a, Company motor eng chi mah KMMTTP Road ah a tlan an rem tih loh thu te, eng hna mah thawh chhunzawm an rem tih loh thu te an sawi a, duty insiama kawngpui hi vil an rel a ni. Kaladan Multi Modal kawngpui sial mekah hian kawngpui laihin a tih chhiat, Compensation la la lo nia insawi zingah hian huan lo ram neitute bakah chenna in \henkhat leh vantlang hmun te pawh a tel a, zangnadawmna pek hmabak hi cheng nuai 585,0 chuang a ni.