Lawngtlai AOC Veng Branch YLA-in mi pakhat chenna tur in sak sak

0
240
views

Lawngtlai AOC Veng Branch YLA chuan an Veng chhunga mi harsa, amah chauha khawsa pa pakhat chenna tur in vawiin khan hnatlangin an sak sak. In hi Assam Type in a dung feet 24, a vang feet 15-a, a chung rangva, a bang tile, a chhuat thingphel in an sa a, in sakna hmanrua te hi YLA member ten an thawh bakah a bialtu MDC Pu LR Dingliana Chinzahin in chung tur rangva leh thingzai a tum sak a, bialtu MLA, Pu C. Ngunlianchunga pawhin rangva bundle li a tumsak a, veng chhunga mi tlawmngaite pawhin pawisa an thawhkhawm a ni. AOC Venga Pu PC Lalmuansanga ramah In hi sak a ni a, Pu Lalmuansanga hian a ram hi in sakna turin a pe a ni. Vawiina in sak hnatlanga tel te hi an vaiin mi 150 an ni.