Lawngtlai DC Dr.Andrew H.Vanlaldika’n, Lawngtlai District-ah Covid 19 Positive hmuhchhuah thar 4 nen, Positive 8 awm mek mahse mipui tan chiaina tur a awm lo tih a sawi.

0
16
views

Lawngtlai DC hian vawiin khan Thuthar thehdarhtute kawmin, nizan-a ZMC-a Test result ah, Lawngtlai District mi pali hri kai hmuh chhuah belh an ni tih a sawi a, District Hospital Covid Care Centre ah hri leng kai mi pariat enkawl mek an ni a, Sorkar chuan hri laka mipuite an him theihna tur te, hri kaite enkawlna turah te ruahmanna fel tak a nei a, mipui tan chiaina tur a awm lo a ni a ti.

Medical Superintendent Dr. Zothanpari Chhakchhuak sawi danin hri kai hmuh thar mi pali te hi Hmeichhia pahnih leh mipa pahnih, kum 10 leh kum 30 inkar Delhi atanga rawn haw vek an ni a, dam lohna an la nei lo a ni.

Hetihlai hian Lawngtlai District MJA te chuan Lawngtlai District Hospital tlawhin, Covid 19 hrikai enkawltu leh enkawl mekte tan eitur leh tuithianghlim an pe a ni.