Mampui khuaa Self Help Group intelkhawm, Village Organisation chuan an thlai thar thawhkhawmte DLTF kutah an hlan a, Lawngtlai Addl. DC Pu K. Laltlawmlova’n a lo dawng a ni. Mampui VO hian Mampui VLTF te hman atan hmaituamna an lo hlan tawh. Cheural khaw mipuiin an thawhkhawm thlai thar thahnem tak chu Lawngtlai Quarantine Centre-a awmte tan DLTF kutah an hlan bawk a, Chawntlangpui khawtlangin an thawhkhawm thlai thar, Theihai leh Theifeihmung thahnem tak an pe bawk.
