Lawngtlai District Land Owners Association invuah mi 303 ten Kaladan Multi Modal Transit Tranport Project kawng laitute hnathawk tur dan an tum chu sorkar aiawhte nen an inbiak hnuah an \hulh.

Ram neitute hian kawng laihin an ram a tihchhiat vanga compensation an dil cheng nuai 5000 vel pe thuai tura sorkar nawrna atan hnathawktute dan an tum a, sorkar hmalakna chu tun thla chhung ngaihchan rih an rel a ni. Lawngtlai District Land Owners Association President, Pu H. Remmawia’n Lawngtlaia Zonet Reporter, Lalchharliana a hrilh danin hnathawktu dan an tum chungchangah hian DIG Southern Range Pu Neihchungnunga chuan an thilphut chungchangah hian sorkara thuneitute an hmuh theih dan tur ruahman pui a tum thu a hrilh niin a sawi a, he hmalakna hi tun thla chhung nghah rih an remti ta a ni.