Lawngtlai District MJA member-ten Lawngtlai District Jail an tlawh

0
322
views

Lawngtlai District MJA member-ten vawiin khan an President, ZD Dengngura hovin Lawngtlai District Jail an tlawh a, District Jail Superintendent, Pu HC Lallianvuta leh thawktu dangten lo dawngsawngin Jail dinhmun an lo hrilhfiah a ni. Kum 2011-a hawn, Lawngtlai District Jail-ah hian jail tang, mipa hlir 26 an awm a, thawktu 16 an awm bawk. Hmeichhe tang an awm lohna chhan hi he jail-ah hian hmeichhe tanna tur building sak ni tawh mah se, an awmna tur pindan siam a ni lova, anmahni enkawltu tur dah a la ni lo bawk a ni. Hnathawktute chenna tur quarters 23 awm zinga 10 chu a far nasat avangin luah theih lohin a awm niin an sawi bawk. Jail hotute chuan Lawngtlai District Jail-ah hian kawlphetha pek a mumal lo \hin niin an sawi a, telephone deptt-in landline telephone an la thlunzawm lo niin an sawi a, Jail tangte hriselna dinhmun enfiah turin Doctor-ten an tlawh ngai lo niin an sawi bawk.