Lawngtlai District Tuichawng Assembly biala Ajasora Polling Station-a vawiina vote thlak \hatna neih chu buaina awm lovin tluang taka tlai dar 4-ah zawhfel a ni.

Vote tla hi za zela 87.03 a tling phak a, he Polling Station-ah hian vote nei mi 1080 an awm a, heng zinga 940 ten vote an thlak a ni. Vote thlak zawh veleh hian EVM leh VVPAT te chu khar fela seal a ni a, hemi hnu hian vote chhiarna tur hmun Lawngtlai km 150 vela hla panpui a ni a, Lawngtlai an thlen hunah Govt. Lawngtlai College-a Strong Room-ah dahluh a ni ang. Vawiina vote thlak \hat zawhfel anih takah hian Mizoram puma vote tlak dan pawh a kimchangin a hriat theih tawh dawn a ni.