MLA hi PHE Deptt. Executive Engineer Laltlanchhunga leh SDO Mangliandinga ten an \awiawm a, tun dinhmuna harsatna an tawh, MLA hnena an hrilh zingah chuan Chhimtuipui tui lakna leh pump-na hmun kawng siam\hat a \ul thu te, \um khata Lawngtlai khawpui mamawh tui sem tur liter nuai 15 vel a nih laia tui dahkhawlna tuizem lian liter 85,000 dawng chauh an la neih rih avanga harsatna an tawh te a tel a, an tui lakna bula Chengkawllui a\anga pump ngai lova amaha treatment plant-a luanglut thei tui lak a nih chuan kum tin tui pump-na senso cheng nuai 30 velin a tlem thei dawn nia an hriat thu pawh an sawi bawk a ni. Lawngtlai East bialtu MLA chuan an harsatna tarlante chu sorkar bawhzui tura thuneitu sang zawk hnena thlen a tum thu a hrilh a, Lawngtlai khawpuia chengten hnianghnar taka tui in tur an hmuh theih nan sorkarin chak takin hmalak a tum tih a hrilh a ni. Greater Lawngtlai Water Supply Scheme hi kum 2011 March thla a\ang khan siam \an a ni a, NABARD leh NLCPR a\anga sum hmuh hmangin Kolkatta Contractor Excelsior Merchants Pvt. Ltd.-in kum 2015 khan hman theihin a siam zo a ni.
Pu H. Biakzauva hi MNF Party MDC 4 leh Lawngtlaia MNF Party hruaituten an \awiawm bawk a ni.
