Lei minin National Highway 54 hnawh ping

0
365
views

Mizoram chak lakna kawngpui ber, National Highway 54 chu tukin khan Seling bulah leimin lian takin a hnawh ping. He kawng enkawltu, PWD Highway Division III hotute hnen atanga thu dawn danin leiminin kawng a hnawh pin hi siam tlang tuma beihzui a ni a, vawiin chawhnu khan lirthei chitin kal theiha siam tlang a ni leh ta nia thudawn a ni. Hemi bakah hian Thingsul Tlangmuan leh Thingsulthliah inkarah pawh he kawng hi lei tawlhin nasa vak lovin a hnawh ping bawk a, hei hi chu hun reilote chhunga thenfai lehnghal a ni. Hetihlai hian Muallungthu atanga Khumtung pawhtu kawng leiminin a hnawhpin, nimina siam tlang leh tawh pawh lei a min nawn leh avangin a ping zui leh a, he kawng hi vawiin khan siam tlang leh tura beihzui a ni a, inbiak pawhna a that tawk loh avangin vawiin tlai thleng khan a dinhmun dik tak hriat theih a ni lo a ni. Hemi bak kawng dang erawh chu a la tlang zel nia thudawn a ni.