Hemi puala inkhawm Leitan YMA Hall-a neihah hian Leitan Branch YMA President, Pu K. Lalzuiliana chuan, vanduaina an tawh chungchangah Mizoram hmun hrang hrang a\anga \anpuina \hahnem tak an dawng chu an lawm hle tih a sawi a. YMA-in \anpuina sum an dawn khawmte chu vanduaina an tawh dan a zir zela sem rual a ni a, mitthi chhung te, hliam te, bungraw chhe vek leh he Complex-a cheng hrim hrim, hmun danga insuanchhuak te chu an tawrh dan mil zela sem rual a ni tih sawiin, \anpuina an dawn te chu \angkai taka hman tum turin a chah a ni. Leitan Branch YMA-in vawiina \anpuina a sem chhuah hi Rs. nuai 9 chuang hlek a ni a. Leitan Branch YMA Secretary, Dr. C. Lalrammuana hnen a\anga Zonet thu dawn danin, UD&PA-in Leitan BSUP-a cheng Record a neihah chuan chhungkaw 118 vel cheng anga chhinchhiah ni mah se, vawiina \anpuina an pek hi chhungkaw 150 an ni a, la pek loh chhungkaw tlem an la awm bawk a ni. Dr. C. Lalrammuana chuan, chhiatna an tawh chungchangah Mizoram hmun hrang hrang a\anga mimal, pawl, kohhran leh NGO a\anga sum leh pai bakah, ei tur leh thawmhnaw te, kuang thlenga an dawng chu Leitan khawtlang an lawm hle a. BSUP-a chengte riah lailawkna tur Durtlang YMA leh Local Council-in ngaihtuahpui a, a theih ang anga an chhawmdawl te, Pachhunga University Adventure Club leh LR Security-in BSUP-a chengte bungrua hnatlanga an thiarpuite chu an lawm tak zet tih a sawi.
Durtlang Leitan BSUP Complex hi tun thla ni 2 zan dar 6:10 vel khan a chhak lam lung tawlhin a den avangin a chim a, mi 3 an thih bakah midang 11 an hliam a. Sorkar thupek angin helai hmun hi chen zui zelna atan a tlak leh tlak loh mithiam ten an endik dawn a, hetih chhung hian helai hmuna chengte chu Rangvamual leh Edenthar BSUP Complex-ah suan vek an ni. Chief Minister, Pu Zoramthanga’n a lo sawi tawh angin Leitan BSUP Complex chim chhan chhui chiang tur hian Sorkar chuan Magisterial Enquiry a din tawh a ni.
