GoAir in Lengpui leh Guwahati inkar a thlawhna a service tir tur hi Airbus 320, mi 100 phur thei a ni a, tunthla ni 26 thleng Lengpui leh Guwahati inkar a service phawt anga a tuk ni 27 atangin Lengpui leh Kolkatta inkar a service leh dawn a ni. Guwahati a\angin zing dar 6.50 ah Aizawl a pan ang a, Aizawl a\angin dar 8.40 ah Guwahati a pan \hin ang. Tun thla ni 27 a\anga Kolkata-a service tih belh leh turah hian Kolkata a\angin zing dar 10 ah Aizawl panin a thlawk chhuak ang a, Aizawl a\angin chawhnu dar 3.05 ah Kolkata a pan \hin dawn a ni.
Hun engemawchen thlawhna service pakhat, Air India chauh Mizoramin a neih avanga mipuiten harsatna an tawh hnuah tukina Guwahati a\anga rawn thlawk chhuak GoAir thlawhna in Lengpui tumhmun a rawn thlen hian a lo lawm nan water salute lo pek a ni.
Lengpui Terminal Restaurant-a inkhawm buatsaihah Chief Minister Pu Zoramthanga chuan, hun rei tak Mizoram mipuiten an lo nghah hnua Aizawl leh Guwahati inkar thlawhna service a awm belh leh ta chu lawmawm a tih thu a sawi a. Damlo inenkawl tum te leh zirna leh hna thil avanga zinchhuah ngaite bakah Mizorama khualzin rawn kal tum te tan thlawhna service chu thil pawimawh tak a ni a ti a, GoAir bakah flight service dangte a awm belh zel a beisei thu leh chumi atan chuan Lengpui Airport pawh kawng hrang hranga thuam\hat a nih thu a sawi.
Airport Authority of India Regional Executive Director Pu Sanjeev Jindal pawhin thu sawiin, Mizoram Chief Minister thahnemngaihna leh hmalakna avanga Guwahati leh Aizawl inkar thlawhna service a awm leh ta chu lawmawm a tih thu a sawi a. Heng khawpui pahnih inkara flight service siam hi sum siamna lam aiin mipui mamawh phuhruk tumna a ni zawk tih a sawi.
GoAir hi airline man tlawm, sumdawng company lian Wadia Group ta a ni a. kum 2005 November thla a\ang khan airline operation hi kalpui \anin, nitin flight 325 a nei \hin a. Aizawl hi ramchhunga service a neihna khawpui, domestic destination 25-na a ni. GoAir hi kumin February ni 10 a Jet Airways in Mizoram leh India hmarchhak state danga service a tihtawp hnua Mizoram leh Assam inkara thlawhna service leh hmasa ber a ni.
GoAir vailiamnaah hian Chief Secretary Pu Lalnunmawia Chuaungo, Chief Minister Adviser Pu Lalramzauva, GAD Secretary Pu Ashish Kundra, DGP Pu S.B.K. Singh bakah mipawimawh dangte an tel a ni.
