Lockdown thawh thumna inkaihhruaina thenkhat tih danglam a ni

0
399
views

Lockdown thawh thumna inkaihhruaina Mizoram sorkar-in a lo siam tawh chu a hnuaia tarlan ang hian a ti danglam;

Khaw kar kawngah passenger phur lirthei tlan phalsak an ni a, lirthei registration number inkawpkim leh innkawpkim lo (odd-even) an intlanchhawk ang a, number inkawpkimte chu thawhlehni, ningani leh inrinniahte an tlan thei ang a, number inkawpkim lo zawng thawhtanni, nilaini leh zirtawpniahte an tlan thei ang.
Heng lirtheite bakah hian khawchhunga tlân passenger phur zingah; bus, auto rickshaw leh taxi-te an tlan phalsak an ni bawk a, inkaihhruaina hmasa lama tlan khap, two-wheeler taxi te pawh an tlan phalsak an ni a, heng lirtheite hian passenger-te hman tur hand-sanitizer an pai reng tur a ni a, two wheeler taxi tih loh, lirthei dang zawng hian an lirtheia leng zat chanve chauh an phur tur a ni.

Intlanchhawk hian Task Force duty-te lirthei a huam lo a, ambulance leh medical emergency lirtheite leh, print & electronic media mite lirthei leh bawlhhlawh paih leh bawnghnute phur leh semtute lirtheite pawh a huam lo bawk a ni.

Lirthei inkaihhruaina bakah hian Mizoram sorkar chuan ram pawn atanga lo lut lo thlen emaw, lo mikhual emaw a khap bawk a, hei hian Home Department emaw, DC emaw atanga phalna neite a huam lo a ni.

Corrigendum