MP-a thlantlin anih hnua khuallian-a a \an vawi khatna, vawiina Pachhunga University College-in an College a\anga zirchhuakte thlahna zanriah ‘Grad Dinner’ an buatsaih-ah thu sawiin Pu C. Lalrosanga hian, Lok Sabha inthlanpui neih zawh takah Mizo hnam, Mizo mipui leh Mizoram aiawha a ding tura thlan a ni chu a inchhuangin, a lawmawm hle a ni, a ti a. Khawvela lo piang chhuak mi zawng zawng hi Pathian siam an ni a, a siamtu siam chhan anga awm chu an mawhphurhna a ni tih hriat a ngai a ni, a ti. Pu C. lalrosanga chuan, Lok Sabha inthlanpui neih zawh takah a thil tum hautak zet mai exam chu paltlangin hlawhtlinna a chang tih sawiin, tuna zirlai ni mek leh la zir zel turte chu an zirlaia hlawhtling tura nasa taka bei turin a chah a ni.
Mizoram aiawh tura Lok Sabha member thar atana thlan thar, Pu C.Lalrosanga hi Pachhunga University College a\anga zirchhuak a ni a. PUC Students Union-ah Debating Secretary hmasa ber a ni a, a hnuah General Secretary leh post dang te a lo chelh tawh a. PU College-a a kal lai hian NEHU pumpui college inelnaah Best Actor Award pawh a lo la tawh a ni.
PUC hian kum tin an zirlai chhuak tur ‘Graduating Students’ te tan zanriah ropui hi an buatsaih \hin a. Kuminah hian zirlai chhuak tur Science, Arts leh Commerce-ah mi 651 an awm a. Heng zirlaite hi ngaihhruina pek an nih bakah a bika Hall leh Table buatsaihah zanriah kilpui an ni. Pachhunga University College-ah hian zirlai 2,400 leh zirtirtu 120 vel an awm mek a, non teaching staff 100 vel an awm a. Arts, Science leh Commerce bakah BBA course nen department 22 a awm a. Department pathumah Post Graduate Course an nei bawk. PUC hi NAAC accreditation A+ College a ni a, UGC College with Potential for Excellence leh ISO certified institution a ni a, NIRF ranked College zingah an tel bawk a ni.
