Lok Sabha member thlannaneih tura Congress leh ZPM-in an thlawp, Independent Candidate, Pu Lalnghinglova Hmar-in nimin chawhnu khan Treasury Square-a MZP Pisapui a tlawh.

0
205
views


MZP hruaitute nen an inkawmnaah Pu Lalnghinglova Hmar chuan, MZP-in nasa taka an dodal Citizenship Amendmet Bill chu a dodal mai ni lovin, he Bill duangtu leh kalpuitute chu a duh lo tel tih MZP hruaitute chu a hrilh a, ramri buai chinfel kawngah MP a nih chuan thuneitu sang zawkte sawipui a tum thu leh ramri chungchangah hian tunah chuan SP leh DC level-a indawrna a ni deuh mai a, hei hi a tawk loh avangin thuneitu sang chinin an buaipui a ngai a ni, a ti. Pu Lalnghinglova Hmar chuan, ramri chu zirlai pawlin an buaipui dan tur a awm a, MP leh sorkar hotu lu lamin an buaipui tur a awm ve bawk tih sawiin, nasa lehzuala \anlak a ngai tih a sawi. |halaite eizawnna a ngaih pawimawh thu leh sorkar hnathawk tur ringawta inzir a \hat loh thu pawh sawiin, Pu Lalnghinglova Hmar chuan, MP atan thlan a nih chuan sorkar laipui, corporate leh PSU te kal tlanga hnathawh tur a siamsak theih a beisei thu a sawi bawk.

Amah lo dawng sawngtu MZP President, Pu L Ramdinliana Renthlei chuan an hriat theih chinah Pu Lalnghinglova Hmar chu MP candidate zinga a hranpaa MZP office tlawh hmasa ber a nih thu leh kum dangah pawh hetianga appointment siam thlapa tlawhtu MP candidate an la neih ngai loh thu a sawi a.
An pawlin an ngaihmawh leh ngaih pawimawh zingah Citizenship Ammendment Bill, Zo Fate inpumkhatna, ramri buai chinfel leh zirnaa hmasawn tura \anlak a ni tih MP Candidate chu a lo hrilh a ni.