Pu C. Lalrosanga hian, State hrang hranga Mizoram mi leh sa tangkhang te chu a theih ang angin a ngaihven tih a sawi a, a hriat theih chinte chu an awmna state sorkar hnenah lo \anpui tur leh chi inthliarna leh thinhrikna tawkte thlavang hauhsak turin state hrang hrang Chief Secretary te chu ziakin a hrilh tih a sawi. Pu C. Lalrosanga chuan, ram chhung khawpui hrang hrang 40 velah Mizoram mi leh sa tangkhang an awm tih a sawi a, tangkhang mek te hi zirlai, hna nghet lo thawkte, zin veivakte, damlo leh damlo buaipuitute an ni tlangpui tih a sawi a, hetianga tangkhang mek hi mi 500 chuang an in report tawh a ni, a ti.
