Mizoram State Agriculture, Horticulture, Forestry, Marketing Cooperative Federation chuan Cooperative Society hrang hrang tan nimin khan Lungleia Synod Conference Hall-ah Seminar a buatsaih a, thingtlanga Cooperative Society tana hnathawh tur tha thlan dan tur inzirtir a ni. He Seminar-ah hian Cooperative Society Assistant Registrar, Pu H. Lalnuntluanga chuan kut hnathawktute chu an hnathawhah tih tak takna leh tumruhna neia, an eizawnna hna thawk turin a fuih a, sorkar atanga sem tur leh dawn tur lam ngaihtuah lova a tak taka leilung hausakna hai chhuah tum turin a fuih a ni. Hnahthial KVK-a Scientist, Dr H. Vanlalhmuliana leh Dr. Timothy Lalrinfela pawhin kut hnathawktuten tam zawk an thar chhuah theihna tur leh hlawk zawka an hralh theihna tur kawng hrang hrang an sawi bawk a, MAHFED Vice Chairman, Pu Vanlalruata’n a kaihruai a ni.
