Lunglei-Buarpui kawng, Kawlhawk leh Buarpui inkara kawng chhuat chawpa bal chu siam that a la ni lo

0
544
views

Lunglei-Buarpui kawng, Kawlhawk leh Buarpui inkara kawng chhuat chawpa bal chu siam \hat a la ni lova, PWD hotute sawi danin a siam \ha tur hian JCB leh hnathawktu thawn an ni tawh a, kawng chhak lam ko chu laih zauh belha lirthei te chi kal theiha a rang thei ang bera he kawng hi siam tlang leh tum a ni.

Lunglei District-ah hian Buarpui leh Bunghmun inkar kawng pawh hmun engemawzatah leiminin a hnawhping a, khawl hmanga thianfai turin hnathawh mek a ni a, khaw awmdanin a zir chuan he kawng hi reiloteah siamtlang leh theih beisei a ni. (Dinga)
————-

Sairangah pawh tuilian hi nasa takin a kam tawh a, chhungkaw 11 chenna in 9 a chim te pawh tuilian hian a kamsan leh vek tawh a, in 7 te chu luah leh tawh a ni a, in 2 erawh chu luah theih tura siam mek a ni.
————–

Hortoki-ah pawh tuilian hi nasa takin a kam leh tawh a, amaherawhchu, ram zau tak a la chim reng a ni.
—————

Bairabi-ah pawh Tlawng tuilian hi nasa takin a kam tawh a, a nasat laia in 100 vel a chim zinga a chanve chu a kamsan leh tawh a, tuallaiah te pawh a inkalpawh leh theih tawh a ni. Bairabi-ah hian vawiin khan Kolasib-a PHE Deptt. mite chuan tui tih thianghlimna chlorine a mamawhte tan an sem a, heng mite hi Bairabi Joint YMA hruaituten an \awiawm a ni. Tuilianin Bairabi khawpui hi chim mahsela, an tui lakna chu Tlawng lui lian hian a chim phak loh avangin tui thianghlim in tur an la nei thei nia thudawn a ni. (Dinga)
—————-

Tun hnaia ruahsur nasa avanga Tlabung khua leh a chhehvel khua te tuilianin a chim chu nasa takin a kam san leh tawh a, Tlabunga YMA hruaitute sawi danin tui len nasat lai khan Tlabung khaw chhungah chhungkaw 173 chenna in tuilianin a chim a, tunah erawh chuan tuilianin a la chim hi in 100 vel chauh a ni tawh a, an veng kawtchhuah Bungkawna chirh leh tuilianin hnawk a dahkhawm chu nizan zankhua khan hnatlangin thenfai a ni a, Licheng field bula YMA R<n kawt vela chirh tuilianin a dahkhawm te pawh hnatlanga thenfai a ni tawh a ni. Chhungkaw \henkhat chuan an chenna in tuilianin a kamsan chu thianfaiin luah leh turin hma an la mek a ni. Hetihlai hian Tlabung Field, Licheng Field tia hriat te, Missionary Kai leh Indoor Stadium te chu tuilian hian a la chim a, Tlabung chhehvela khaw hrang hrang te pawh a la chim reng a ni. (Dinga)
—————

Seling-Tipaimukh kawnga Tuirini lei lailawk chhiat vanga kawng ping chuan vawiin thleng khan mipuite harsatna a la siam zui a, he kawngah hian lirthei eng chi mah a la kal thei lova, Tuirinia lei hman lailawk tur dawh chu tuilianin a la chim avang leh lui kam sir Sesawng lama luikam lei tuilianin a lak hek avangin lirthei tan kal ngaihna a la awm lo a ni.