Mizoram sorkar hnuaia hmasawnna programme lian ber, New Economic Development Policy tihhlawhtlin nan nimin leh vawiin khan Lunglei Convention Centre-ah Mizoram pum huap Mizoram Entrepreneurship Conclave 2018 neih a ni.
Hei hi Mizorama hetiang intawhkhawm lian neih hmasak ber a ni a, a thil tum ber chu thilsiamna leh hnathawh tur dang ngaihtuaha mahni kut leh kea din tumte kawng kawhhmuh leh an thil hriat tur pawimawh hrilhfiah a ni. Conclave hawngtu Finance Minister, Pu Lalsawta chuan Entrepreneurship Development Scheme chu chak taka Mizoramin hma a sawn theihna tura duan chhuah a ni tih sawiin, he scheme hi hmang \angkaiin Mizorama \halai tam takin mahni kuta dinga eizawnna kawng hrang hrang an neih theihna tur niin a sawi a, \halai, mahni eizawnna din tumte tan ‘Business Plan Contest, Mizoram Kailawn tia hriat leh Micro Start Up Capital, Mizoram Rahbi tia hriat, Kolkatta-a IIM nena \anghova hmalakna chu chhawr \angkai tum turin \halaite a fuih a ni. He inkhawmah hian Finance Minister chuan Mizoram State Entrepreneurship Development Monitoring Committee buatsaih, ‘Report on Entrepreneurship Development Scheme’ tih lehkhabu a tlangzarh bawk a ni. Conclave hawnna inkhawma khualzahawm, Pu Joseph Lalhimpuia MLA, Mizoram Youth Commission, Chairman ni bawk chuan Union Public Service Commission hnuaia Competitive exam-na neiha tel tur te tan leh Staff Selection Commission-in sorkar laipui hnuaia hnathawk tur a laknaa tel tur te tan Lungleiah Coaching buatsaih a ni dawn niin a sawi a, \halaite tan khawvel thar siam turin sorkarin hma a la chho zela, chung zingah chuan New Delhi-a Alternative Learning System nen online coaching nei tura inremna thuthlung siam tawh te, British Council hnuaia International English Language Testing System exam centre hawn tur te a tel niin a sawi a ni. Hawnna inkhawm hi Planning Secretary, Dr. C. Vanlalramsanga’n a kaihruai a ni.
Conclave kharna inkhawm Lunglei High Powered Committee Member Secretary, Dr. Lalrinchhana kaihhruaiah Planning Secretary, Dr. C. Vanlalramsanga chuan \halai mahni kut leh kea din tum te chu he Conclave-a an thil zir te hman \angkai tum turin a fuih a, Mizoram State Entrepreneurship Development Monitoring Committee chuan \halaite hmakhaw ngaiin an kut leh kea din theihna tur a ngaihtuah zel dawn niin a sawi a ni. Kharna inkhawmah hian Lunglei Govt. College-a Associate Professor, Pi Agnes L. Khawlhring chuan Entrepreneurship Scenario in Lunglei District tih thupuia hmangin mipuite a zirtir a ni.
