DCSO Pi Carolyn LB Khiangte chuan Sorkar laipui ruahmanna anga ram puma kalpui mek Retailer-te hman tur digital bukna leh e-POS Machine chu lang tlang sawrkar leh mipui rin ngam sawrkar neih na tur leh, hamthatna dawng tur diktakten an dawn ngeina tura ruahmanna thar a nih thu a sawi a. Lunglei District-ah chuan centre 15 zingah centre 11-in February quota an lo sem hman tawh avangin a rual tlangin March thla atanga hman tan tum a nih thu a sawi.
ePOS, Electronic Point of Sale khawl hi Bio-Metric khawl a ni a, retailer ten Buhfai an sem dawnin Ration Card a member tupawh Aadhar Card nena zawmte chuan an kut zungpui thla lain Retailer hnenah ration an la thei dawn a. He khawl hi online a hman tur a nih rualin, Internet awm lohna ah pawh Off-line mode in a hman theih tho a, internet awmna hmunah data upload leh mai tur a ni.
