Lungleia kan reporter zawhna chhangin Pu Lawmawma Tochhawng chuan Lunglei khawpuiah tunah hian traffic jam vangin harsatna a thleng ve tawh a, khawpui hi \hang zel tur a nih avangin traffic jam awm lohna khawpuia siam turin sorkar deptt. hrang hrang nen \angruala hmalak dan zawn a ni ang a ti a, High Power Committee sum leh Deptt. dangte a\anga sum hmuh theih hmangin Lunglei khawpui leh Lunglei District chhunga khaw hrang hrang inkalpawhna kawng siam\hat ngaihpawimawh a ni ang a, hemi bakah hian ei leh bar lama mipuite intodelh tir dan ngaihpawimawh a ni ang a, hemi kawnga hmalaknaah hian an party flagship policy SEDP nen \angkawpa \an lak a ni ang a ti. Pu Lawmawma Tochhawng chuan hmasawnna tura Congress sorkar hmalakna kal mek zinga chhunzawm tlak zawng zawngte chu chhunzawm a ni dawn tih a sawi bawk.
