Campaign hawnna inkhawm LDCC Vice President, Pu KL Chhawnzauva kaihhruaiah thusawiin, Social Welfare Minister, Pu PC Lalthanliana chuan ram leh mipuite hmasawnna hnathawh chungchangah MNF Party hi Congress hnathawh sawisawl ngam tur a ni lo niin a sawi a, Mizorama hmasawnna hna pawimawh thawh zawng zawng chu Congress sorkar hmalakna nia sawiin, Lunglei District-ah phei chuan MNF sorkar khan kum 10 chhungin Project lian tham lungphum leh zawhfel a nei lo niin a sawi a ni. Pu PC Lalthanliana chuan kum 2013 inthlannaah khan Lunglei District-a bial 7-ah MNF tlinna bial pakhatmah a awm lova, tun \uma inthlanna neih turah pawh hian MNF candidate te chu mipuiten an thlantlinna chhan tur a awm lo niin a sawi a, MNF President, Pu Zoramthanga chu NEDA-a an zawmpui BJP chakna hmanga inthlanna hmachhawn tumah a puh bawk.
He inkhawmah hian Congress Party candidate Pu Joseph Lalhimpuia, Pu Chalrosanga Ralte leh Pu R. Lalnunthara te pawhin thu an sawi a ni.
