He hun hi Pu R. Lalrochama Nodal Officer NSS Lunglei Govt. College in a kaihruai a, College Principal Pu LH Rothanga’n hawnna thuchah a sawi hnuah inelna neih a ni a, Lunglei khawpui chhunga College 2, HATIM leh NYK bakah Hnahthial Govt. College aiawhte, Lunglei District pawn lam atangin Serchhip, Lawngtlai leh Siaha District a Govt. College leh NYK aiawh te an tel a ni. District Youth Parliament ah hian College leh NYK hrang hrang aiawh ten thupui thlan bik neiin minute 3 chhung thu an insawi siak a, Esther Lalremsiami Lunglei Govt. College in lawmman pakhatna a dawng a ni.
